Gipahibalo sa Korean group nga BTS ang ilang ipahigayun nga world tour.
Pinaagi sa ilang opisyal nga social media account, ilang gipadayag ang lista sa mga lugar nga ilang bisitahan, diin lakip ang Pilipinas.
Sumala sa anunsyo, ipahigayon ang konsiyerto sa BTS dinhi sa nasod sa Marso 13 ug 14.
Magsugod ang ilang world tour sa Goyang, South Korea sa bulan sa Abril, dayon mosuroy sa nagkalain-laing mga nasod sa Asya, Europa, Australia, North ug South America.
Ang katapusang pagbisita sa grupo sa Pilipinas kaniadto pang tuig 2017 atol sa ilang “Wings” tour, samtang ang usa sa ilang miyembro nga si J-Hope mibalik sa nasod niadtong Abril sa miaging tuig.
Gilauman usab nga ipagawas sa BTS ang ilang ikalimang studio album sa bulan sa Marso.
Sukad sa ilang pagkatukod niadtong 2013, misikat na ang grupo sa tibuok kalibutan ug nakab-ot ang daghang rekord, lakip na ang pinakadaghan og views ug online streams sa kasaysayan sa musika.