Mosalmot una si Pinay tennis star Alex Eala sa usa ka exhibition tournament sa dili pa magsugod ang Australian Open.
Kabahin si Eala, sa upat ka Women’s Tennis Association (WTA) players nga giimbitar sa Kooyong Classic, usa ka eksklusibong by-invite nga exhibition tournament nga ginahimo sa Melbourne.
Tumong sa maong torneo ang pag-andam sa mga manlalaro alang sa mas dagkong kompetisyon.
Giisip ni Eala ang Kooyong Classic isip maayong warm-up ug preparasyon para sa Australian Open.
Dako usab ang iyang kumpiyansa human sa iyang maayong performance ug kadaugan sa bag-ohay lang nga Auckland tennis tournament nga gihimo sa New Zealand.
Nagpakita kini sa maayong kahimtangan sa iyang lawas ug hunahuna samtang nagpadayon siya sa pag-atubang sa mas dagkong hagit sa internasyonal nga entablado.