Mipahigayon og blessings ug turn-over ang lokal nga kagamhanan alang sa mga vendors sa bus terminal.
Mukabat sa 33 ka food stall ang naapod-apod sa among proyekto aron sab sa pagpahapsay sa mga mamaligyaay sa Malaybalay City Terminal.
Ang maong aktibidad gipanguluhan ni Mayor Warren Jay Pabillaran.
Gani, mipahayag sa iyang pagpasalamat ang presidenti sa food vendors kansa giilang si Chirelyn Cercado.
Matod pa niini nga dugay na kini gapamaligya isip food vendor ug karon makapasigarbuhon kini nga nakapalampos niini ang iyang mga anak.
Sa pikas bahin, mihangyo ang mayor sa matag vendors nga ampingan ang matag stall aron mulungtad sa dugay nga panahon.
Ang maong aktibidad gitambungan sa pipila ka mga stakeholders ug human sa pagturn-over, nagsalo-salo ang mga mitambong sa pagkaong giandam.