Naandan na ang pagpapahigayon og job fairs matag Labor Day kon Adlaw sa Mamumuo matag Mayo, ilabi na sa DOLE. Sumala pa ni Nick Borja, Labor Consultant, ma kini ang paagi sa pagpangita og trabaho, apan pipila lamang ang makakuha sa oportunidad ug dili tanan direkta nga makadawat.
Matod pa ni Borja, nga gamay ra ang natabang sa job fair, apan nagduda si Borja sa proseso niini. Dugang pa ni Borja nga sa iyang tan-aw, dili kini makasulbad sa kakuwangon sa kahigayonan sa trabaho, sanglit daghan ang tawo nga nagpabiling walay trabaho.
Gipaabot usab ni Borja ang yangongo sa mga mamumuo kabahin sa gamay nga sweldo ug kinahanglan nga hatagan ug dugang pagtagad sa gobyerno ang maong isyu.
Gidasig ni Nick Borja, Labor Consultant, ang mga mamumuo nga dili mahadlok sa pagreklamo ngadto sa ilang mga nagkadaiyang trabahoan. Matud pa ni Borja, kinahanglan nga mudangop ang mga mamumuo sa ilang mga mulo ug kasubo, ilabi na sa National Labor Relations Commission (NLRC), kansa usa ka ahensiya nga nagasulbad sa mga problema sa trabahante ug employer.
Gipasabot niini nga ang tumong sa ahensya mao ang pag-abag sa mga mamumuo nga walay katakus sa pagsukol alang sa ilang katungod. Dugang pa ni Borja, mangayo gayod og tabang aron dili mahitabo ang ginakahadlokan sa matag mamumuo nga mumata sa buntag nga maguol gumikan walay igong kusog nga magreklamo alang sa ilang katungod.
Gikumbinsi sab ni Borja ang mga mamumuo nga dili magduhaduha og file og kaso labi na mahitungod sa walay mga benepisyo.
Samtang, namatikdan niini nga wala nay garally gumikan daw wala nay pakialam ang gobyerno ug nagpabungol-bungol sa tanang mulo sa mga trabahante.
Apan, gidasig ni Borja ang katawhan nga mas labing maayong dunay magrally aron madungog ang mulo sa mga mamumuo og maalarma ang gobyerno.