Labor Consultant sa ALU, miangal sa kalidad sa tag 20 pesos nga bugas

Mipadayag si Nick Borja, Labor Consultant, sa iyang komento bahin sa 20-peso nga bugas human kini matuki sa pakighinabi sa Bombo Radyo Malaybalay.

Gihisgutan niini ang kakuwangon sa suholan sa mga mamumuo ug ang suplay makasustento ba sa kataas sa presyo sa mga palitunon.

Si Borja nagkanayon nga ang 20 pesos nga bugas usa lang kini ka politikanhong lakang gumikan duol na ang eleksyon.

Dugang pa, ang 20 pesos nga bugas dili molungtad tungod ang mga tawo wala miangay sa matang sa bugas.

Matod ni Borja, commercial rice ang gipaabot sa katawhan sa 20-pesos ug dili NFA nga maong  gisaad ni Presidente Marcos Jr.Gani, dili kini maayong klase sa bugas gumikan di kini halos makaon sa mga tawo, ilabi na sa mga mamumuo.