Nagpatuman ang rehiyon sa Northern Mindanao o Region 10 og minimum wage increase sugod ning tuig 2026 subay sa mando sa Regional Tripartite Wages and Productivity Board (RTWPB-X) aron matubag ang nagkataas nga galastuon sa mga batakang palaliton.
Ang wage adjustment ipatuman sa pribadong sektor ug naglangkob sa non-agriculture, agriculture, ug service sectors.
Sa pakighinabi sa Bombo Radyo kang Ruben Biado, ang Supervising Labor Employment Officer sa DOLE-Bukidnon Provincial Field Office, gibutyag niini nga epektibo sa January 16 ang P12 nga wage increase sa category 1 diin mamahimo nang P486 ang minimum wage sa rehiyon. Â
Samtang sa Category 2, aduna usab pag-usbaw nga P25.
Subay niini, aduana usab pag-usbaw sa nga P14 sa category 1 ug category 2 sigon sa opisyal.
Matud sa RTWPB-X, tumong niini nga mapalambo ang kahimtang sa mga trabahante samtang ginatimbang ang kapasidad sa mga negosyo.Â
Gipasabot usab nga adunay mga establisimyento nga mahimong ma-exempt sumala sa giandam nga mga lagda.
Gidasig ang mga employers nga motuman dayon sa bag-ong wage order aron malikayan ang penalidad.
Gidani usab ang mga manggagawa nga i-report sa DOLE ang bisan unsang paglapas sa minimum wage.