Nagsaulog ang Bombo Radyo Philippines sa unom ka dekada sa media excellence pinaagi sa Top Level Management Conference gikan Enero 5 hangtod 11, 2026, nga adunay tema nga “Bombo Radyo Philippines: Celebrating 60 Years of Media Excellence.”
Kini gipangunahan nila ni Chairman Dr. Rogelio M. Florete ug Presidente ug Chief Executive Officer Margaret Ruth C. Florete, diin motambong sa kumperensiya ang mga station manager ug senior officers gikan sa 25 ka key areas sa Bombo Radyo Philippines network ngadto sa dakbayan sa Iloilo.
Ang usa ka semana nga panagtapok nagpunting sa strategic planning ug direction-setting isip pagpangandam sa network alang sa mga sunod pang mga katuigan.
Hisgutan ang mga isyu sa inobasyon, serbisyo publiko, ug padayon nga pasalig sa kredible, responsable, ug public service-oriented broadcasting.
Isip kabahin sa ika-60 nga anibersaryo niini, ang Bombo Radyo Philippines nagsaulog sa taas nga listahan sa mga prestihiyosong awards sa natad sa news reporting, public affairs programming, ug public service broadcasting.
Lakip niini ang Bombo Network News, nga back-to-back winner sa Catholic Mass Media Awards kon CMMA isip Best News Program for 2024 ug 2025, ug ang Star FM, nga giila nga Best Entertainment Program sa tulo ka sunod-sunod nga tuig (2023–2025).
Samtang, ang Bombo Radyo Iloilo, ang flagship station sa network, giila isip Best AM Station (Provincial) ug Best News Program (Provincial) sa 28th Golden Dove Awards (2025) sa Kapisanan ng mga Brodkaster sa Pilipinas (KBP).
Gawas sa mga awards, ang independent surveys nagpamatuod sa kredibilidad ug pagsalig sa publiko sa Bombo Radyo.
Migawas kini isip Most Trusted News and Information Source sa Radio category sa Philippine Information Agency’s National Survey on Media and Information Literacy (Nobyembre 2024).
Giila usab kini sa OCTA Research (Disyembre 2024) isip nag-unang tinubdan sa radyo sa balita ug impormasyon sa mga Pilipinong adulto, ug nagpadayon sa pagpanguna sa quarterly nga Pahayag Survey sa Publicus Asia, Inc. sa Most Trusted Media Outlets sa Radio category.
Kining tanan nga pag-ila maoy pruweba sa dedikasyon sa Bombo Radyo Philippines sa pagmintinar sa pinakataas nga sukdanan sa broadcast journalism.
Gipamatud-an usab sa komperensya ang kabilin sa Bombo Radyo isip nanguna nga radio network sa nasud, nga adunay 32 ka digitalized AM ug FM stations sa tibuok Pilipinas, ug nagsilbi nga kinasingkasing nga pagpasalamat sa publiko.
Tungod sa inyo, padayon nga gipasiugda sa Bombo Radyo ang saktong paghatud sa mga balita ug tinuoray nga serbisyo publiko.
Basta Radyo, BOMBO!