Tulo ka mga programa nga gipundohan alang sa 2026 national budget ang gusto i-veto ni Presidente Ferdinand Marcos Jr,.
Matud sa usa ka law expert nga si Atty. Antony TONY” Laviña, usa ka law professor nga ang gitagaan sa pundo naglakip sa unprogrammed appropriations, Medical Assistance to Indigent and Financially Incapacitated Patients (MAIFID), Assistance to Individuals in Crisis Situation (AICS) diin kinahanglan ibutang kini sa mga ahensya sa atong kagamahanan ug dili pagbuot sa mga politiko.
Matud ni Laviña nga ang maong mga programa gigamit lamang isip “ isip political patronage ug guarantee letter sa mga politiko isip usa ka matang sa pagpangawkaw sa kwarta sa atong goberno.
Naglaum ang maong abogado nga makita kini sa Marcos administration aron mahunong na ang pag abusar sa salapi sa katawhan.Samtang gitawag ni Atty. Laviña , nga corrupt gihapon ang gi aprobahan nga pundo para sa tuig 2026.
Saysay pa niini adunay nakalusot nga mga pork barrel, mga unprogrammed appropriations, discretionary funds lakip usab ang farm to market roads sa Department of Public Works and highways kon DPWH.
Matud ni Laviña nga kini ang ikaduha nga pinaka corrupt nga National budget gawas sa 2025. Gidugang niini nga gitonto lamang sa mga magbabalaod ang katawhan sa gipasar nga national budget. Miingon ang abogado nga gipatuo lamang ang katawhan nga transparent kay gihimo kini pinaagi sa livestream apan pag panunto lamang ang lakang sa mga opisyal.