Patay ang usa ka 38 anyos nga lalaki human kini gitigbas sa liog gamit ang garab kaganihang kadlawon sa Brgy. Kibatang, Don Carlos, Bukidnon.
Giila sa kapulisan ang biktima nga si alyas “Don-Don” samtang ang suspek mao si alyas “Jason,” 24 anyos.
Sumala sa imbestigasyon, pulos nakainom ang suspek apil ang biktima sa managhaling higayon sa maong lugar diin miresulta sa mainit nga panaglalis.
Tungod sa kahubog, gitigbas sa suspek ang biktima sa likod nga bahin sa liog gamit ang garab nga nagresulta sa kamatayon niini.
Human sa insidente, boluntaryong mitahan ang suspek sa Barangay Captain sa Brgy. Kibatang ug giturn-over gilayon kini sa Don Carlos Municipal Police Station.
Nabawi usab sa kapulisan ang garab nga gigamit sa suspetsado sa maong insidente. Giandam na usab ang tukmang kaso batok sa responsable samtang detinado sa Don Carlos Police Station.