Giaghat ni Batangas 1st District Rep. Leandro Leviste ang Malacañang nga beripikahon ang mga files nga iyang gikuptan nga giingon niining gitugyan kaniya ni kanhi DPWH Secretary nga Catalina Cabral.
Kini misunod sa pamahayag sa Malacañang nga ang maong mga files chismis lamang ug walay laing tuyo gawas sa pagpangdaut sa mga tawong nalambigit niini.
Sumala kang Rep. Leviste, mamahimo nga makig-coordinate ang Malacañang sa kasamtangang DPWH Secretary bahin sa maong mga dokumento, ilabi na nga nahuman na matud pa sila og estorya kabahin sa impormasyon nga iyang gihuptan.
Dugang pa niini, adunay ubang mga opisyal nga nalakip sa maong mga files, apan naghangyo ang pipila nga dili una kini ibutyag sa publiko.
Kini nga isyu mitumaw human sa pagpagawas sa datos kabahin sa ₱3.5 trilyon nga budyet alang sa 2023–2026, lakip na ang ₱4 bilyon nga allocable budget nga posibleng ipanghatag sa mga kongresista alang sa tagsa-tagsa niini nga distrito.