Dul-an P20,000 nga smuggled nga sigarilyo, nakumpiska sa Bukidnon

Nakumpiska ang dul-an P20,000 nga smuggled nga sigarilyo sa tulo ka lugar sa probinsya, ug nadakpan ang tulo ka suspetsado.

Sa Barangay 9, Malaybalay City, nadakpan si alyas “Michael”, 36 anyos samtang nagbaligya og smuggled nga sigarilyo nga wala’y graphic health warnings, nga nagkantidad og P6,080. Sa Poblacion, Dangcagan, nasikop usab si alyad “Janna”, 37 anyos, uban sa pito ka reams nga nagkantidad og P5,600.

Samtang sa Purok 5, Halapitan, San Fernando, giarrsto si alyas “Edna”, 52 anyos, human masapon usab nga nagbaligya og smuggled nga sigarilyo nga nagkantidad og P7,440.

Ang tanan nga nadakpan ug nakumpiska gidala sa matag police station, City Health Office ug Rural Health Unit alang sa husto nga disposasyon.