Nasakmit sa kapulisan sa Baungon Municipal Police Station ang mga gituohang smuggled nga sigarilyo atol sa usa ka operasyon kaganeha sa buntag pasado alas 9:10 sa buntag sa Brgy. Imbatug, Baungon, Bukidnon.
Atol sa maong operasyon, nadakpan sa kapulisan ang usa ka 30 anyos nga lalaki nga nasakpan mismo sa pagbaligya sa mga gituohang smuggled nga sigarilyo.
Tungod niini nga gikumpiskar sa kapulisan ang mga iligal nga produkto.Nakumpiskar sa mga otoridad ang kinatibuk-ang 11 ka ream sa smuggled nga sigarilyo nga gibanabanaang kantidad nga Php 8,800.00.
Ang nadakpan nga indibidwal ug ang mga nakumpiskar nga sigarilyo gidala sa Baungon MPS alang sa hustong dokumentasyon ug dayon giturn-over sa Rural Health Unit (RHU) sa Baungon, Bukidnon alang sa husto nga disposisyon.