Giendorso na sa Senado ang sugyot nga balaodnon aron himoong permanente ang MAIFIP program sa Philippine Health Insurance Corporation (PhilHealth) nga ang tinguha mao ang paghatag og tinuod nga libreng medical assistance alang sa mga kabus nga walay bayad sa mas grabe nga sitwasyon sa panglawas.
Ang MAIFIP o Medical Assistance for Indigent and Financially Incapacitated Patients program usa ka pamaagi nga mo-tabang sa mga pasyenteng indigent ug dili makabayad sa ospital pinaagi sa medical assistance, lakip ang pag-tabang sa bayranan sa ospital kung mahurot na ang benepisyo sa PhilHealth o kung ang pasyente adunay grabeng sakit nga dako ang gasto.
Sumala pa kang Sen. Vicente “Tito” Sotto III, ang bag-ong balaodnon mag-tangtang sa komplikadong proseso sama sa pagpangayo og daghang papeles aron makakuha og benepisyo sa panglawas.
Ang tumong mao ang direktang paghatag og ayuda sa kabus nga pasyente nga wala nay daghang requirements, aron di na maglisod.
Gisulti usab ni Sen. Sotto ug uban pang mga senador nga ang maong sugyot dili “pork barrel”, tungod kay ang pondo dili ipasa pinaagi sa personal nga desisyon sa mga mambabalaod o politiko kondili ipadagan kini ubos sa Department of Health (DOH) ug PhilHealth aron mahatagan og patas ug transparent nga benepisyo ang mga kwalipikadong pasyente sa maayo nga paagi.