Nanawagan si Presidente Ferdinand R. Marcos Jr. nga palig-onon ang seguridad ug pagpanalipod karong panahon sa Kapaskuhan, ilabi na karon nga daghan ang mga katawhan nga naa sa kadalanan ug nagbiyahe.
Sumala sa Presidente, gikinahanglan ang mas taas nga lebel sa seguridad ug presensya sa mga awtoridad sa mga kalsada, pampublikong lugar, transport hubs ug mga komunidad.
Gipasiugda ni Presidente Marcos ang kahinungdanon sa pagsiguro sa kaluwasan sa matag lungsoranon aron matagamtam ang kalipay sa Kapaskuhan nga may kahupayan sa hunahuna ug panaghiusa.
Gipahinumduman usab sa Presidente nga ang serbisyo publiko nagpadayon bisan sa panahon sa kasaulogan ug gidasig ang mga kawani sa gobyerno nga magserbisyo nga may dungog ug kanunay nga unahon ang kaayohan sa nasud.