- Advertisement -
Nasikop sa buy-bust operation ang usa ka Job Order employee sa LGU Valencia, niadtong milabayng adlaw, sa Purok 6, Barangay Tongan-tongan, Valencia City, Bukidnon, human napalitan og usa ka pakete sa gituohang shabu.
Matud sa operasyon, ang suspek nailhan nga si Alyas Mar, 44 anyos, ug gikan kaniya nakumpiska ang gidudahang shabu nga gibana-banang 10.6 gramos nga nagkantidad og P72,080, lakip ang P500 buy-bust money, cellular phone, ug uban pang gamit.
Mag atubang ang suspek sa kasong paglapas sa iligal nga druga, samtang temporaryong nakakostodiya kini sa Valencia City Police Station.
- Advertisement -