Gipasabot sa Public Employment Service Office (PESO) sa Malaybalay City nga ang dili haom nga kurso sa mga migradwar ang mga bakante nga trabaho, na mao ang nag-unang hinungdan ngano nga daghan gihapon ang naglisod sa pagpangita og trabaho sa siyudad.
Sa pakighinabi sa Bombo Radyo Malaybalay kay Riza May S. Caontao – Manpower Development Officer I sa Public Employment Service Office (PESO) na bisan pa sa aktibong recruitment programs sa PESO, daghang aplikante ang dili makakita sayun ug trabaho tungod kay ang ilang natun-an nga kurso dili angay o dili tugma sa mga bakanteng trabaho nga anaa sa Malaybalay. Kini ang nag-unang hagit nga giatubang sa ilang opisina sulod sa pipila ka tuig.
Gipadayag usab sa PESO nga gikan Enero hangtod Nobyembre, adunay 7,035 ka jobseekers ang na-rehistro, diin 5,286 ang malampusong na-employed pinaagi sa job fairs, special ug local recruitment activities, ug walk-in applications sa dakbayan.
Gidugang pa ni Caontao nga wala pa finalized ang unemployment ug employment rate sa Malaybalay, tungod kay padayon pa ang pag-input sa kapin 20,000 ka household data by barangay, diin napulo pa lamang ka barangay ang nahuman sa karon, samtang nagpadayon pa ang data entry sa PESO.