Gipaambit sa mga deboto ang ilang kalipay ug pasalamat sa unang pagsaulog sa Simbang Gabi karong katuiga sa Malaybalay City, matod sa duha ka attendee nga sina Jemboy Ignacio ug Blezzytte Nina Poblete sa pakighinabi sa Bombo Radyo Malaybalay.
Gipahayag ni Ignacio nga bisan sa kabisi sa trabaho, malipayon siya nga nakadala sa iyang anak ug nakasaksi sa malinawon nga selebrasyon. Giingon niya nga ang Simbang Gabi importante aron mapaduol sa Ginoo ug makita ang pagkahiusa sa mga Katoliko.
Gipaambit usab ni Poblete nga overwhelmed siya ug nalipay nga makumpleto niya ang siyam ka adlaw nga Simbang Gabi, bisan pa sa iyang semester activities. Giangkon niya nga ang pagtulun-an sa homiliya nagpakita nga importante nga mag-simba matag Pasko dili lang para sa personal nga pangandoy, apan aron hinumduman ang pagkatao ni God ug madawat ang mga grasya sa kinabuhi.
Gi-awhag nila ang mga kabatan-onan ug komunidad nga ipadayon ang tradisyon sa Simbang Gabi ug magpuyo nga mapasalamaton ug matinud-anon sa pagtuo, labi na sa panahon sa Pasko.