Gipalig-on sa National Food Authority–Bukidnon ang buffer stock sa bugas samtang gipalapad ang ₱20-per-kilo bugas program aron masuportahan ang mga nanginahanglan ug masiguro ang pondong bugas sa probinsya.
Sa pakighinabi sa Bombo Radyo Malaybalay gipadayag ni Glenn De Otoy, Information Officer sa NFA-Bukidnon, nga ang programa na ₱20-per-kilo bugas program gipaladan gikan sa rice farmers ug fisherfolk ngadto sa PWDs, senior citizens, single parents, Indigenous Peoples, mga miyembro sa 4Ps, tricycle ug pedicab drivers.
Ang redemption center nahimutang sa Maramag, Bukidnon, diin kapin 100 hangtod 200 ka beneficiaries na ang nakapahimos ug labaw sa 1,000 ka sako sa bugas natagana. Gipasabot ni De Otoy nga ang senior citizens, PWDs, IPs, ug single parents makapalit og 30 kilos kada bulan, samtang ang rice farmers ug fisherfolk makapalit og 10 kilos kada bulan, gikan Agosto hangtod Disyembre, nga mahimong moabot og 50 kilos kon karon pa sila mopalit.
Nanawagan ang NFA sa eligible beneficiaries nga magdala sa valid ID o certification aron makapahimos sa programa. Gikataho usab niini nga igo ang kasamtangang buffer stock sa NFA-Bukidnon, nga naglangkob og 341,000 ka sako sa humay ug 47,000 ka sako sa bugas, nga makasuporta sa konsumo sa probinsya sulod sa 28 ka adlaw, labi na sa panahon sa kalamidad o emerhensiya.
Gi-andam na usab ang mga bodega sa Maramag, Valencia, Kibawe, Musuan, Kalilangan, ug Wao, diin ang bodega sa Maramag makasud og 350,000 ka sako, aron masiguro nga andam ang probinsya sa procurement season sa 2026.
Gilauman sa NFA nga ang dugang pondo sa gobyerno makatabang sa pagpalapad sa rice procurement ug masiguro ang food sufficiency sa Bukidnon ug sa tibuok nasod.