Angol ang duha ka lalaki sa sunod-sunod nga managlahing insidente sa pagpangdunggab nga natala sa lalawigan sa Bukidnon sulod lamang sa wala pay 12 ka oras, base sa taho sa Bukidnon Police Provincial Office kon (Buk PPO).
Sa unang insidente nga natigayon niadtong Disyembre 12, 2025, takna alas 8:50 sa gabii sa Barangay Maluko, Manolo Fortich. Ang bikatima usa ka 53-anyos nga lalaki ang nakaangkon grabe samad dinunggaban sulod mismo sa ilang pinuy-anan.
Sumala sa imbestigasyon, gisaysay sa asawa sa biktima nga samtang sila anaa sa balkonahe, namatikdan niini ang suspek nga naglakaw paingon sa ilang balay ug dayong nagpasiugda ug away.
Migawas ang biktima aron atubangon ang suspek, apan kalit kining gidunggab sa tulo ka higayon nga miigo sa tuo niyang dughan. nga panagbangi ang giila nga motibo.
Samtang sa pikas bahin, ang ikaduhang insidente natigayon niadtong Disyembre 13, 2025, untop alas 7:00 sa buntag sa Purok 6, Barangay Managok, Malaybalay City, ang biktima usa ka 55-anyos nga lalaki ang nasamdaam usab sa likod sa nga bahin sa usa ka 48-anyos nga suspek.
Nagsugod ang panagbangi human ablihan sa biktima ang dike sa uma sa suspek aron ilihok ang tubig paingon sa iyang uma nga walay pagtugot.
Sa dihang mitumaw ang pisikal nga away, gibunot sa suspek ang bolo nga anaa sa iyang hawak ug gitigbas ang biktima.
Ang mga biktima gilayon nga gidala sa balay tambalan aron madapatan og tabang medikal ug lawon nga pag-atiman. Samtang ang mga suspetsado nakakustudiya na sa kapulisan alang sa tukmang disposisyon.