Nakadawat og full scholarship gikan sa Thai royal government ang usa ka estudyante sa Valencia City, Bukidnon, kansa giilang si Angelo Fernandez Virgo.
Sigon pa ni Angelo, nagsugod lang kini isip binuang sa usa ka Facebook tag, apan iyang giseryoso ug napili siya isip usa sa pito ka scholars gikan sa Pilipinas, aron maka-eskwela og Civil Engineering sa Suranaree University of Technology sa Thailand.
 Saysay pa niini nga bisan og gikan siya sa pobre nga pamilya, napadayon niya ang iyang edukasyon pinaagi sa suporta sa mga amigo ug sponsors.
Dugang pa niini, sukad miabot si sa Thailand karon medyo naka-adjust na siya bag-ong kultura ug sistema sa pagtuon.
Matud pa ni Angelo, lisod ang trimester system sa Thailand, apan aktibo gihapon siya sa university cheering squad ug sa komunidad sa mga Pilipino.