Padayun ang pagdugang sa gidaghanon sa mga bulawang medalya nga nahakot sa Pilipinas sa nagpadayon nga 2025 Southeast Asian Games.
Nakab-ot ni Olympian gymnast Aleah Finnegan ang bulawan sa women’s vault finals.
Sa wala pa proklamahang daog si Finnegan, gipakuwenta usab pag-usab ni Philippine Olympic Committee president Abraham Tolentino ang resulta ug didto nakita nga siya gyud ang nakadaog.
Sa jiujitsu, napildi ni Kimberly Custodio ang representante sa Thailand sa finals sa ne-waza women’s 49 kg, samtang si Dean Roxas midugang og laing bulawan human midaog sa jiujitsu men’s 85 kg event.
Duha ka silver medal ang nakuha ni Olympic swimmer Kayla Sanchez, usa sa women’s 50m backstroke ug usa sa 200m freestyle.
Kini dugang pa sa iyang unang bulawan nga nakuha sa 4×100m freestyle relay.
Nakakuha usab si Haylee Garcia og silver medal sa women’s uneven bars.
Napakyas si Clarence Sarza batok ni Patcharakan Poolkerd sa Thailand para sa silver medal sa women’s 46kg.
Silver medal usab ang nakuha ni Yman Xavier Baluyo sa jiujitsu men’s 69kg ne-waza finals human mapildi sa nakalabang Vietnamese.
Bronze medal ang nakuha ni gymnast Justin Ace de Leon sa men’s ring ug men’s floor exercise.
Daghan usab og medalya gikan sa combat sports: bronze medals alang nila Marc Alexander Lim (jiujitsu ne-waza men’s 69kg), Vito Luzuriaga (jiujitsu ne-waza men’s 85kg), Felix Calipusan, Jeremy Nopre, ug Jordan Macalipay (karate kata men’s team), Baby Jhen Buzon ug Mariane Mariano (jiujitsu duo classic women’s team), Kurt Barbosa (taekwondo men’s under-54kg), Kaila Napolis (jiujitsu ne-waza women’s 48kg), ug Leah Jhane ug Ma. Jeanalane Lopez (judo women’s ju-no-kata).
Apil sa mga bronze medalist sila Mark Louwel Valderama (men’s cross-country eliminator), Mark Griffin, Eva Dela Torre, Frenchesca Coo, ug Derek Hewitt (open wakeboard team), ug Susan Ramadan (women’s 1500m).
Nakadugang usab og medalya ang demo sports ug martial arts pinaagi ni Geli Bulaong nga nakadaog og bulawan sa modern 60kg category, samtang bronze medals ang nakuha nila Gina Araos (special value modern 54kg), Jean Claude Saclag (men’s modern 65kg), Denzel John Alipio (men’s modern 60kg), ug Giezel Daya (women’s traditional 54kg).