Giklaro karon sa Maramag Municipal Police Station nga wala’y namatay sa insedenteng pagpangdunggab nga nahitabo atol sa fiesta sa lungsod sa Domingo, Nobyembre 30, 2025.
Sa eklusibong pakighinabi sa Bombo Radyo Malaybalay kang PLtCol. Alexander E. Eugenio, hepe sa Maramag Municipal Police Station, gibutyag niini nga ang insidente nahitabo tungod sa init nga panaglalis sa duha ka grupo nga nag-inom sulod sa Arellano Compound, miresulta sa paghinapakay og botelya ug dinunggabay.
Gikatahong adunay lima ka indibidwal nakaamgo og samad dinunggaban ug aduna usab usa ka 16 anyos nga babaye nga gikaingong nasumbagan ug nakuyapan ang nadamay sa kagubot.
Kasamtangang, nagpaalim pa sa balay tambalanan ang duha sa mga nadunggaban ug ang uban gipailawom na sa imbsetigasyon.
Hinuon, aduna nay nakalap nga mga ebidensya, ug padayon usab ang pag-review sa CCTV footage aron masuta kung kinsa ang responsable sa pagsugod sa kagubot ug pagpangdunggab.