Gipahibalo ni DILG Secretary Jonvic Remulla nga katapusang namatikdan si kanhi Congressman, Ako Bicol representative Zaldy Co sa Japan.
Gisulti sa kalihim nga karon adunay nay giisyu nga kaso batok kang Co ug 17 pa ka uban pa diin mamahimong maaplyan ang red notice sa International Police (Interpol). Giplano usab sa DILG nga hangyuon ang DFA nga ikansela ang pasaporte ni Co, apan giklaro sa DFA nga mahimo lamang kini kon adunay court order gikan sa saligandong korte sa Pilipinas.
Wala pay klarong kasayuran sa kasamtangang lokasyon ni Co, apan giisa sa kalihim ang iyang mga miaging lugar nga giadtuan sama sa Amerika, Europe, Singapore, Portugal, Spain, ug Japan.
Susihon usab sa mga awtoridad ang mga address sa iyang mga balay sa Pilipinas kon mibalik na kini.
Niadtong Septyembre ning tuiga, milupad si Co padulong Amerika aron magpaalim matud pa sa gihambin nga balatian.
Sa video statement nga gipagawas niini niadtong mga milabayng semana, gisulti niini nga buot unta niyang mopauli sa Pilipinas pagkahuman sa State of the Nation Address kon (SONA) ni Pangulong Ferdinand Marcos Jr., apan gibabagan siya ni kanhing House Speaker Martin Romualdez nga dili mopauli ug gibaharan matud pa siyang patyon kon mosulti batok kanila.