Giaresto ang 20 ka Filipino seafarer human ang mga otoridad sa Nigerian nakasakmit og labing menos 20 kilos nga cocaine kon illegal nga droga nga gitago sa barko nga naglawig gikan sa Brazil paingon sa Lagos.
Kini base sa datos sa National Drug Law Enforcement Agency kon NDLEA, kagahapong adlawa, Biyernes, Nobyembre 21, 2025.
Nasakmit ang mga taas nga kalidad nga cocaine sa Panama-registered vessel kaniadtong Domingo, nga gitago sa ilawom sa kargamento.
Samtang ang National Drug Law Enforcement Agency, wala na miluwat sa eksaktong mga sulod sa kargamento, apan gikaingon nga ang barko kasagarang nagdala og coal sa rota tali sa Brazil ug Colombia.
Ang mga Filipino seafarer anaa na sa kustodiya sa otoridad alang sa imbestigasyon.
Kahinumdoman nga ang National Drug Law Enforcement Agency bag-ohay lang mibutyag nga nakigtambayayong kini sa mga ahensya sa anti-drug sa US ug UK aron imbestigahan ang usa ka kartel nga nalambigit sa pagpayuhot sa 1,000 ka kilo nga cocaine kon illegal nga droga nga nadiskubrehan sa usa ka container sa pantalan sa Lagos.