Giila ug gipasidunggan sa bag-ohay lamang natapos nga 47th Catholic Mass Media Awards ang pipila ka mga programa sa Bombo Radyo Philippines.
Nasakmit sa Bombo Network News ang back-to-back win isip Best News Program.
Samtang ang Bombo Special Report sa Bombo Radyo Philippines maoy nakadaog sa Best Business News.
Ang Pinoy Memories sa 99.5 Star FM Iloilo maoy nahimong Best Entertainment Program.
Lakip usab ang Bombo Lifestyle sa Bombo Radyo Philippines ug 102.7 Star FM Manila’s Best Counseling Program sa segment nga “Istoryang Pasada: Takbo” gihatagan og espesyal nga citations isip Best Public Service Program.
Ubay-ubay usab nga mga programa sa Bombo Radyo Philippines ang nahimong finalists sama sa Best News Program sa Bombo Radyo Cebu; Best Drama Program sa Bombo Radyo Cauayan; Best News Feature sa Bombo Radyo Dagupan, Star FM Dagupan ug Bombo Radyo Iloilo; Best Education Program sa Bombo Radyo Philippines ug Bombo Radyo Cauayan ug Best News Commentary sa Bombo Radyo Cebu.