- Advertisement -
Napili ang Pinay tennis star nga si Alex Eala nga makigbatok sa 2025 MGM Macau Tennis Masters. Ang maong exhibition tournament pagahimoon sa Macau Forum karong Disyembre 27 hangtod 28.
Makigduwa si Eala uban sa pipila ka dagkong ngalan sa tennis sama nila Grand Slam champions Li Na ug Conchita Martinez, nga magserbisyo isip team captains nga mopili sa ilang kauban nga magdula sa dili pa magsugod ang kompetisyon.
Apil si Eala sa team ni Li Na uban nila Shang Juncheng ug Jack Draper. Ang maong torneo mahitabo pipila lang ka semana human niyang i-representar ang Pilipinas sa 33rd Southeast Asian Games nga ipahigayon sa Thailand gikan Disyembre 9 hangtod 20.
- Advertisement -