Nagpagawas na og arrest warrant ang International Criminal Court (ICC) batok kang Senador Ronald “Bato” Dela Rosa, sumala sa kumpirmasyon ni Ombudsman Jesus Crispin “Boying” Remulla.
Wala pa gipadayag sa Ombudsman ang kompleto nga detalye sa kaso, apan gilauman nga kini may kalabotan sa imbestigasyon sa giyera kontra droga nga gipatuman sa panahon ni kanhing Pangulong Rodrigo Duterte.
Ang maong lakang sa ICC nagdani og daghang reaksyon gikan sa publiko, ilabi na tungod sa dugay nang isyu sa pagpanubag sa mga opisyal sa administrasyong Duterte nga nalambigit sa mga operasyon batok sa ilegal nga droga.
Samtang gipanghimakak sa Department of Justice (DOJ) nga wala pa sila nakadawat og kopya sa “warrant of arrest” gikan sa International Criminal Court (ICC) batok kang Senador Ronald “Bato” Dela Rosa.
Sumala ni Atty. Polo Martinez, tagapamaba sa DOJ, wala pa’y kumpirmasyon nga adunay gipagawas nga arrest warrant ang ICC ug kasamtangan pa nilang giberepika ang impormasyon kabahin niini.
Matud pa Martinez, wala pa usab sila makakita o nadawat nga opisyal nga kopya, ug mohatag sila og dugang detalye sa higayon nga kini mahimong opisyal nga makumpirma.
Taliwala sa maong balita kabahin sa pag-isyu og warrant of arrest batok sa senador, lig-on ang baruganan ni ICC Assistant to Counsel Cristina Conti nga angay gayod magpagawas og warrant ang ICC batok sa senador uban sa kanhi presidente, Rodrigo Duterte.