Nagpahimangno ang aktres ug global endorser nga si Gabbi Garcia pinaagi sa iyang social media post kabahin sa nagpadayon nga kadaot nga dala sa pagpakaylap og mga pagpangdaot o bashing sa social media.
Kini nga pamahayag sa aktres nunot sa pagkumpirma sa pamilya ni Kuya Kim Atienza sa kalit nga pagtaliwan sa ilang anak nga si Emman Atienza, 19 anyos, niadtong Biyernes sa buntag, Oktubre 24, ning tuiga.
Gibutyag ni Garcia, nga ang pagpangbiay-biay, pagpanaway, ug pag-atake online dili angay buhaton ug hingpit nga makadaut sa usa ka tao.
Giawhag sa aktres, ang publiko nga gamiton ang social media aron magdasig ug magpakita og pagtinabangay, uban sa kalooy ug pagsabot.
Sa laing bahin, nagpahinumdom usab si Kuya Kim sa social media post niini sa pagpakita sa kalooy, kaisog, ug pagkamabination sa adlaw-adlaw nga kinabuhi.