Personal nga giawhag ni Dr. Joy M. Mirasol, Presidente sa Bukidnon State University (BukSU), ang publiko nga mosalmot sa “Dugong Bombo” ang usa sa labing dako nga 1 day bloodletting activity karong Nobyembre 15, 2025 sa BukSU Gymnasium inubanan sa Philippine Red Cross.
Sa eksklusibong pakighinabi sa Bombo Radyo Malaybalay kang Dr. Mirasol, gipasiugda niini ang kamahinungdanon sa pagdonar og dugo isip gamay nga sakripisyo nga makahatag og dakong paglaom ug pagluwas og kinabuhi sa uban.
Miluwat usab ang Presidente sa unibersidad, nga andam na ang tanang pasilidad ug magbuhat kini og advisory alang sa mga magtutongha ug mga personahe sa unibersidad isip preparasyon alang sa malampuson ug hapsay nga pagpatuman sa “Dugong Bombo”.
Kini nga nasyonal nga adbokasiya sa Bombo Radyo Network alang sa pagdonar sa dugo nga ipahigayon sa 25 ka dagkong lugar sa tibuok nasud pinaagi sa 32 ka digital AM ug FM stations, uban sa panawagan sa Presidente nga “It’s a small sacrifice that creates a measurable hope”.