Gipahibalo ni Police Lieutenant Colonel Joepet B. Paglinawan, Chief of Police sa Malaybalay City Police Station, atol sa pakighinabi sa Bombo Radyo Malaybalay, nga kasamtangang adunay gipahigayon nga PNP Recruitment Attrition Quota alang sa tuig 2025.
Matud pa ni PLTCol. Paglinawan, adunay 22 ka slots alang sa mga gustong mosulod sa kapulisan, ug gidasig ang mga aplikante nga magsumite og aplikasyon uban sa mga gikinahanglan nga dokumento sa Malaybalay City Police Station.
Sa laing bahin, giawhag usab ni PLTCol. Paglinawan, ang publiko nga mosalmot sa “Dugong Bombo” bloodletting activity nga ipahigayon karong Nobyembre 15, 2025, sa Bukidnon State University Gymnasium.
Matud pa sa opisyal, ang pagdonar og dugo usa ka mahinungdanong buhat alang sa kaluwasan ug kinabuhi sa uban.
Ang maong kalihukan ipatuman uban sa 25 ka dagkong lugar sa tibuok nasud, pinaagi sa 32 ka digital AM ug FM stations sa Bombo Radyo Network.