Nadiskubre sa mga sundalo sa 8th Infantry Battalion kauban ang 1st Special Forces Battalion, 44th Division Reconnaissance Company (44DRC) ug intelligence unit ang usa ka taguanan sa armas sa Mt. Kiamo, Barangay Kibalabag ning syudad sa Malaybalay.Narekober sa maong operasyon ang usa ka AK-47 rifle nga walay serial number ug lima (5) ka bala.
Matod ni Lt. Col. Jeorge R. Jallorina, Acting Commanding Officer sa 8IB nga dakong tabang ang suporta sa mga tawo nga misalig ug misanong sa panawagan sa gobyerno. Ang ilang kooperasyon dako og papel sa pagpugong sa lihok sa mga rebelde.
Ang operasyon bunga sa impormasyon nga gihatag ni @REDS, usa ka kanhing miyembro sa CPP-NPA nga mibalik sa sabakan sa gobyerno. Tungod sa iyang kooperasyon nasuta ang insaktong lokasyon sa mga armas nga gigamit sa kalihokan sa rebeldeng grupo.
Nagpadayon ang paningkamot sa 8th Infantry Battalion sa pagwagtang sa rebelyon, pagpanguna sa kalinaw, ug pagpalambo sa kinabuhi sa mga lumulupyo aron makab-ot ang malinawon ug mauswagong Bukidnon.