Giseguro sa Philippine Coast Guard (PCG) ug Bureau of Fisheries and Aquatic Resources (BFAR) nga dili sila magpaluya luyo sa agresibong lihok sa China sa kadagatan sa West Philippine Sea.
Sumala pa ni PCG Spokesperson for West Philippine Sea Commodore Jay Tarriela nga ilang giprotektahan ang mga Pilipinong mangingisda sa Kalayaan Island Group ilabi na sa Pag-asa island bisan pa sa mga hulga sa mga barko sa China.
Kaganeha sa sayo sa buntag, gisabligan og water cannon ug gisulayan pa og bangga sa barko sa China Coast guard ang BRP Datu Pagbuaya, usa sa mga barko sa BFAR.
Walay naangol nga tripulante apan adunay gamay nga kadaut sa barko.Gipadayag sa PCG ug BFAR nga magpadayon sila sa pagpanalipod sa katungod ug panginabuhian sa mga Pilipinong mangingisda sa maong lugar