Nagtuo si Senate Committee on Finance Chairman Senador Sherwin Gatchalian, nga mas maayo nga wagtangon na lang ang Department of Public Works and Highways (DPWH) ug magtukod og bag-ong ahensya.
Kini tungod sa korapsyon maong departamento, ilabi na sa isyu sa anomalya sa mga flood control projects ug sa bag-ong nadiskubreng anomalya sa mga farm-to-market road projects.
Sumala ni Gatchalian, magkinahanglan pa og daghang katuigan aron malimpyuhan ni Public Works Secretary Vince Dizon ang dungog ug sistema sa DPWH.
Gihatag nga pananglitan sa senador mao ang mga ghost projects nga nadiskubre sa nagkalain-laing dapit sa nasud diin dili lang sa Bulacan og diin nga nagpakita sa lawom ug lapad nga korapsyon sulod sa maong ahensya.
Nasuta ang DPWH human mogawas ang mga report nga pipila sa mga lokal nga opisyal niini nalambigit sa maanomalyang mga flood control projects, partikular na sa probinsya sa Bulacan.