Warriors, gipildi ang Lakers sa ilang una nga preseason game

Gipildi sa Golden State Warriors ang Los Angeles Lakers sa iskor nga 111-103 sa ilang una nga panag-atubang sa NBA 2025-26 season.

Mibida ang star player nga si Stephen Curry sa First Quarter diin nakatala siya og 11 puntos, nga maoy nakahatag ug momentum sa iyang team.

Nagmainiton ang duwa pagkahuman sa first half apan midako na ang labaw sa GSW sa 3rd Quarter nga miabot og 20 puntos.

Giselyuhan nila ang kadaugan pinaagi sa lig-on nga depensa.

Samtang, wala gihapon makadula ang duha ka star player sa Lakers nga sila si LeBron James ug Luka Doncic.

Mag-atubang pag-usab ang duha ka team karong Oktubre 13 diin giatangan sa mga fans ang LeBron-Curry rivalry nga nagsugod pa niadtong 2016.