Gibana-banaang 25 ka overseas Filipino workers kon (OFW) ang kasamtangang anaa sa death row, matud ni Department of Migrant Workers (DMW) Secretary Hans Leo Cacdac.
Gipanghimatuoran kini ni Cacdac atol sa pagbusisi sa gisumite nga sugyot nga pondo alang sa DMW ug mga attached agencies niini alang sa tuig 2026.
Dugang pa sa kalihim, misaka ang kahimtang diin misamot ang ihap sa mga OFW nga naa sa death row, ilabi na sa Malaysia, human sa pagpatuman sa mas halapad nga polisiya bahin sa commutation sa sentensya.
Sigon usab niini, padayon ang ginahimong “behind-the-scenes” nga koordinasyon sa ahensya kauban ang Department of Foreign Affairs kon (DFA), Office of the President, ug uban pang may kalabotan nga mga opisina aron malikayan ang pagbitay ug mapulihan sa mas gaan nga silot ang mga sentensya sa mga Pilipinong piniriso.
Gikalipay usab si Senate Committee on Finance Chairman Senador Sherwin Gatchalian sa bag-ohay lamang nga datos nga adunay pagkunhod sa ihap sa death row cases ug iyang gidasig ang DMW nga ipadayon ang paghatag og legal assistance sa mga OFW nga nalambigit sa kaso sa ubang nasud.