Gihagit ni senador Allan Peter Cayetano ang opisyal sa gobyerno nga dungan mukanaog sa pwesto ug maglusad og “Snap Election”.
Ang maong panawagan gitumong ngadto sa mga kawaning opisyales ngadto sa gobyerno, gikan sa kongreso paingon sa senado.
Hingpit nga naglaom si Cayetano nga mao na lamang kini ang pamaagi aron mahibalik ang pagsalig sa katawhan sa kagamhanan.
Kini mao ang pagrepaso sa o pagbag-o sa mga personahe kon mga opisyal sa kasamtangang administrasyon sa nasud.
Dugang pa sa senador nga ang sunod-sunod nga mga isyu sa korapsyon, nahugno ang pundasyon sa pagsalig sa katawhan.
Gisugyot niini nga ang tinuod nga serbisyo ug pagdumala kinahanglan magsugod sa mga opisyal sa gobyerno nga gisaligan sa kalambuan ug kaayuhan sa nasud ug matag lumulupyo sa nagkalain-laing bahin sa Pilipinas.
Matud pa ni Cayetano nga dili na angay tugutan sa pagdagan pag-usab ang bisan kinsang opisyal sa kasamtanagan.
Hingpit nga gipunting sa senador nga ang pagkamiyembro sa gobyerno dili alang sa kaugalingong interes kundili sa bug-os nga pag-amping pinaagi sa tinuoy nga pagtagad sa balaod ug kahimtang alang sa tanan.
Ang maong pamahayag sa senador, giluwat human miusbong pag-usab ang kasuko ug panawagan sa katawhan kabahin sa dakong isyu sa maanomaliyang flood control projects nga gikalambigitan sa mga opisyal ug mambabalaod sa kagamahanan.
Sa pagkakaron wala pay tubag gikan sa Malacañang apan sigon sa pipila ka kaalyado sa administrasyon, gitawag kining tiyatrong politika.