Mibisita si Presidente Ferdinand R. Marcos Jr. sa Bogo City, Cebu karong Huwebes aron masuta ang kahimtang sa mga residente nga grabeng naapektuhan sa kusog nga 6.9-magnitude nga linog ug aron masiguro ang hinanaling pag-abot sa tabang.
Usa sa unang lugar nga gibisita ang SM Cares Village sa Barangay Polambato, diin nahugno ang pipila ka mga balay.
Nakighinabi ang pangulo sa mga pamilya nga naapektuhan aron personal nga madungog ang ilang kalisdanan.
Gibisita usab sa Presidente ang Archdiocesan Shrine and Parish Church ni San Vicente Ferrer sa Barangay Bungtod, nga grabe ang kadaot sa linog, ingon man ang City of Bogo Science and Arts Academy sa Barangay Cogon, usa ka pampublikong tunghaan nga naka-angkon og dako nga kadaot.
Mitungha usab ang Pangulo sa Cebu Provincial Hospital sa Barangay Taytayan aron makita ug makumusta ang mga pasyente.
Gisiguro ni Pangulo Marcos nga makadawat dayon og tabang ang mga pamilya nga nanginahanglan.
Human sa inspeksyon, gipangulohan usab sa Presidente ang situation briefing sa Bogo City Hall aron mas lig-on pa ang koordinasyon sa padayon nga relief operations.