Giaresto na sa kapulisan ang responsable sa makalilisang nga pagpatay sa tulo ka miyembro sa pamilyang Andohon, nga walay lain kundili ang ilang kaugalingong anak nga giilang si John Kyler Labora Andohon, residente sa Purok 11, Barangay Managok, Malaybalay City.
Gidakop ang suspek pasado alas 11:00 sa buntag, ning adlawa, Septyembre 12, 2025, pinasikad sa warrant of arrest nga giluwatan sa korte kaniadtong Septyembre 11.
Nag-atubang ang karon ang suspetsado sa kasong 2 counts sa parricide ug usa ka kaso sa murder, diin wala’y girekomendangn pyansa.
Kahinumdoman, nga kaniadtong Mayo 21 ning tuiga, naguba ang kalinaw sa pamilya Andohon human ngilngig nga gipangluba ug gipamatay sa suspek ang iyang kaugalingong amahan nga si Jovanie Andohon, inahan nga si Evangeline Andohon, ug igsuon nga si Ivan Andohon.
Sumala sa imbestigasyon, kadaghanan sa samad sa mga biktima anaa sa liog ug lawas. Nakalingkawas usab ang duha pa ka menor de edad nga igsuon sa suspek.
Samtang ang dinakpan karon ana na sa kustodiya sa Malaybalay City Police Station samtang nagpadayon ang proseso sa kaso batok kaniya.