Gipangayo ni DPWH Secretary Vince Dizon ang tabang sa mga kanhi kalihim sa public works nga sila si Rogelio Singson ug Jose de Jesus aron mapangitaan og solusyon ang nagpadayon nga isyu sa korapsyon ug ma-reorganisar ang departamento.
Sa meeting nga milungtad og kapin usa ka oras, gihisgutan sa tulo ang mga pamaagi sa pagpangwagtang sa anomalya sulod sa DPWH.
Gipunting ni Singson nga ang congressional insertions sa budget maoy pinakadakong hinungdan sa “massive corruption” nga nakaapekto sa ahensya.
Gipasabot usab niini nga si kanhi DPWH Secretary Manuel Bonoan nasinati nga daghan sa iyang mga national public works projects gi-carve out gikan sa budget ug gipuli-an og local projects.
Matud ni Singson, ang Lower House ug Senado, total local project insertions sa 2025 kay mga P450 bilyon.
Dili lang makita nga insertions ang problema, matud pa ni Secretary Bonoan, tungod ang uban niyang mga programa gi-carve out ug gipuli-an og local projects.
Matud ni Singson, ang pagpangayo og courtesy resignation sa top officials usa ka maayong inisyatibo.
Samtang si Dizon mitumbok nga kinahanglan mahibaw-an ug mapangitaan ang mga “bad eggs” aron silotan ug mapulihan.
Dugang pa niini nga plano usab niyang kuhaon ang tabang ang ubang kanhi opisyal sa public works nga karon aktibo sa internasyonal nga organisasyon sama sa World Bank ug Asian Development Bank.
Gipasabot ni Singson nga bisan adunay mga kaso sa korapsyon, daghan gihapon ang matinud-anon nga tao sa DPWH.