Kahilakon si Pres. Ferdinand Marcos, Jr. subay sa mga nahitabo sa nasud karon, diin sa dihang gipangutana ang Presidente og “Are you teary-eyed?” ligdong ang tubang niini ug nisanong. Sa usa ka teaser alang sa ikaupat nga yugto sa iyang podcast kagabei, Setyembre 6, 2025.
Si Marcos niingon nga siya nasuko kaayo kung giunsa ang uban nga nakahimog mga ilegal nga kalihokan.Gikagul-an usab sa presidente ang kasamtangang pag-antos sa mga katawhang Pilipino ilabi na kadtong mga nakaani og silot nga unta, nagtinarung ra sa ilang adlaw-adlaw nga panginabuhian subay sa sakto ug haom nga tumong.
Sa pagkakaron, nagpadayon ang imbestigasyon sa mga proyekto sa gobyerno, labi na ang pagtukod sa mga istruktura sa pagpaminus sa baha, pagkahuman nadiskubrehan ang mga giingon nga iregularidad.
Nabulgar usab ang giingong ghost flood control projects taliwala sa nagpadayong imbestigasyon ug site inspection, busa, gimando ni Marcos ang “sweeping” review sa proposed 2026 budget sa Department of Public Works and Highways aron masiguro nga walay double entries o dili awtorisadong insertion.