Trump, buot moapil sa pagpatrolya sa kapulisan ug kasundalohan sa Washington DC

Nagplano si US President Donald Trump nga moapil sa mga otoridad sa pagpatrolya sa kadalanan sa Washington D.C.

Miluwat kini nga gusto niining makita ang sitwasyon sa Washington D.C. uban sa mga kapulisan ug kasundalohan.

Matud usab sa White House, nga ila nang naatiman ang pagtambong ni Trump sa pagpatrolya.

Gikatahong una nang mibisita ang Bise Presidente sa US nga si JD Vance ug ang Defense Secretary nga si Pete Hegseth sa mga myembro sa National Guard nga naka-destino sa DC sa centrong bahin sa estasyon sa tren.

Kahinumdoman nga gipakatap ni Trump ang mga sakop sa National Guard sa US Capitol aron pakigbatok sa mga krimen sa maong dapit.