Gikondena sa pipila ka netizens si Vice Ganda human sa usa ka parody segment sa unang gabi sa iyang concert, diin adunay pagtumong kini sa kanhi Presidente Rodrigo Duterte.
Sa segment nga nahisgot sa “Jet Ski promise,” mga DDS (Diehard Duterte Supporters), ug usa ka impersonation sa kanhi presidente nga nakapakatawa sa pipila ka mga mananan-aw.
Nakadawat kini og kritisismo gikan sa uban, lakip ang usa ka Facebook user nga nanawagan sa lokal nga kagamhanan sa Davao nga ideklarang persona non grata si Vice Ganda tungod sa giingong kawalay respeto.
Matud sa pipila ka Dabawenyo, walay dautan sa pagpakatawa apan kinahanglan adunay utlanan ug dili “below the belt.”
Namatikdan usab sa mga netizens ang pagkunhod sa followers ni Vice Ganda gikan 20 milyon nga nahimong 19 milyon.
Sa laing bahin, gidepensahan siya ni Akbayan party-list Representative Perci Cendaña ug gibarugan, nga pinaka-epektibo ang pagsulti sa kamatuoran sa gahum kung kini makapakatawa sa mga tawo.
Nagpasabot kini nga miabot ang mensahe.
Ang pagkatawa dili lang tambal, kini usab nga labing maayo nga wake-up call.