Mitaliwan na ang Italyano nga atletang orienteering nga si Mattia Debertolis human nawad-an og panimuot sa World Games.
Matud sa International World Games Association ug International Orienteering Federation (IOF), ang 29-anyos napalgang wala nay kinabuhi samtang anaa sa tunga-tunga sa middle-distance race sa orienteering competition sa Chengdu, China, niadtong Biyernes.
Dali kining gdala sa tambalanan apan pipila ka adlaw ang milabay mitaliwan kini niadtong Martes, Agosto 12.
Samtang wala nay laing detalye ang gipagawas kabahin sa hinungdan sa kamatayon ni Debertolis.
Si Debertolis usa ka miyemro sa team sa Italian Orienteering Federation (FISO) nga karon nag-salmot sa 2025 World Games.
Ang maong sport usa ka lumba paingon sa finish line diin ang mga atleta mag-navigate sa dili pamilyar nga tereyn gamit lamang ang mapa ug kompas.