Gikonsidera sa Department of Social Welfare and Development kon (DSWD) ang mga house helper ug janitor nga apil sa mga benepisyaryo sa 4PS.Sumala ni DSWD spokesperson Irene Dumlao, bahin kini sa enhancement nga buhaton sa DSWD sa 4Ps nga adunay 17 ka tuig nga implementasyon.
Gikinahanglan lang nga ang mga benepisyaryo kay naa sa below threshold o mosweldo og hangtod P8,000 kada bulan ug adunay gagmay nga anak nga zero hangtod 18 anyos nga nag-eskwela.Gipangunahan ni Dumlao nga bukas ang DSWD sa bisan unsang enhancement sa implementasyon sa 4Ps sama sa suhestyon ni kanhi DSWD secretary ug Senador Erwin Tulfo nga nag-ingon nga himuon nga one-time bigtime livelihood grants ang ihatag sa mga benepisyaryo sa 4Ps imbes nga Conditional Cash Grants.
Sa pagkakaron, nagpadayon ang pakig-istorya sa Senado ug Kongreso para sa posibleng amendments sa programa subay sa balaod sa 4Ps.Sumala ni Gemma Gabuya, National Program Director sa 4Ps, naa nay tulo ka milyon nga benepisyaryo ang programa kutob sa Hulyo 2025 samtang naa nay 1.4 milyones nga naka-graduate o nakagawas na sa programa human madeterminar sa mga social workers nga self sufficient na sila o kaya na nila nga masuportahan ang ilang pamilya