Gipasabot ni Kyle Echarri ang dugay nang isyu nga nagkatap sa ilang suod nga relasyon ni Piolo Pascual.
Matud ni Kyle, giisip niini nga igsoon ug suod nga higala si Piolo, nga dako ang natabang kaniya ilabina sa panahon nga namatyan siya sa iyang igsoon.
Dugang ni Echarri, sayop ang hunahuna sa ubang tawo.
Nasayud mi nga igsoon ug suod mi nga higala.
Dugang pa niya, mas nalig-on pa gyud ang ilang relasyon tungod sa ilang mga giagian nga personal nga pagsulay.
Usa si Piolo sa mga nitabang kaniya sa lisod nga panahon.
Gihisgutan usab nga magtimbayayong na usab ang duha sa usa ka gipaabot nga father-son action film nga dugay na nilang giplano ug giandam.
Sa laing bahin, miluwat si Kyle nga wala siyay plano nga mosulod sa usa ka romantikong relasyon karon ug mas gusto niya nga tutukan ang iyang kaugalingon ug ang iyang mga mahal sa kinabuhi.