Gibotohan sa Senado ang mosyon nga i-archive na lamang ang impeachment case batok kang Bise Presidente Sara Duterte, human sa taas nga debate sa plenaryo. Sa wala pa ang botohan, gisalikway una sa Senado ang mosyon ni Senador Vicente Sotto III nga i-table ang mosyon ni Senador Rodante Marcoleta alang sa pagbasura sa maong kaso.
Sa plenaryo, naglalis si Sotto ug Marcoleta bahin sa pangutana kung angay bang hulaton sa Senado ang desisyon sa Korte Suprema kalabot sa gi-file nga motion for reconsideration. Kahinumduman nga gipaboran sa Korte Suprema ang petisyon ni VP Duterte nga i-void ang impeachment case, nga gideklara nga unconstitutional tungod sa paglapas sa one-year bar rule ug kakulang sa due process.
Pagkahuman sa diskusyon, mipatawag og botohan si Senate President Chiz Escudero sa mosyon ni Sotto diin nga napilde sa boto nga 5-19. Sa wala pa kini, miluwat si Sen. Alan Peter Cayetano si Marcoleta nga ilisan ang pulong nga “dismiss” ngadto sa “archive” sa iyang mosyon, ug gipasabot nga duha ang opsyon sa Senado: ang mosunod o dili mosunod sa ruling sa Korte Suprema.
Gisugyot usab ni Sen. Joel Villanueva ang amiyenda sa mosyon ni Marcoleta nga i-archive na lang ang kaso isip pagtuman sa desisyon sa Supreme Court. Gidawat kini ni Marcoleta ug dayon gipagbotohan ang bag-ong mosyon diin nga mipasar pinaagi sa boto nga 19 pabor, 4 batok, ug 1 abstention.