Gibisita ni Pangulong Ferdinand Marcos Jr. ang mga pamilyang biktima sa pagbaha sa Navotas City tungod sa epekto sa habagat ug uban pang dautang panahon.
Personal nga miadto ang presidente sa Tanza National High School Evacuation Center sa Barangay Tanza 2 sa maong lungsod.
Base sa datos, adunay 162 ka pamilya o 538 ka residente ang kasamtangang nagpuyo sa evacuation center, lakip na ang 19 ka senior citizens.
Kauban sa pangulo sa iyang pagbisita ang mga representante gikan sa DSWD, DPWH, MMDA, ug ang lokal nga panggamhanan sa Navotas.
Gipangulohan usab sa presidente ang pag-apod-apod sa relief packs, hygiene kits, ug sleeping kits alang sa mga evacuees.
Kalabot niini, gisiguro sa presidente nga padayon ang paghatag og ayuda sa tanang naapektuhan sa maong kalamidad.