De Lima, diskumpyado sa desisyon sa Korte Suprema kabahin sa pagbasura sa impeachment trial batok kang VP Sara?

Kalma apan bug-at ang pamahayag ni Mamamayang Liberal (ML) Party-list, Rep. Leila de Lima kalabot sa desisyon sa Korte Suprema nga pagbasura sa impeachment case batok ni Bise Presidente Sara Duterte.

Matud ni De Lima, teknikal ang basehan sa desisyon, apan nagpabiling tinuod ang mga alegasyon nga hangtod karon wala pa matubag.

Bisan pa man nga nitahod siya sa desisyon sa Korte Suprema, nagpahayag kini nga importante nga masabtan sa katawhan an ug dili angay putlon ang proseso sa hustisya.

Gikwestyon usab niya ang pagpagula sa pinal nga desisyon sa Korte bisan wala pa’y pormal nga tubag gikan sa respondent.