Giila ni Presidente Ferdinand Marcos Jr ang Estados Unidos isip nag unang kaalyadong nasud kini human sa ilang meeting nga gipahigayon kaganeha ala una sa kadlawon oras sa Pilipinas didto sa White House kauban si US President Donald Trump. Sa ilang panagtagbo matud ni Marcos, nanguna gihapon ang Estados Unidos isip kaalyado sa Pilipinas.
Gipasabot niya nga ang suporta sa US, ilabi na sa aspeto sa depensa, ekonomiya, ug edukasyon, usa ka dakong tabang sa pagpalambo sa kalig-on sa Pilipinas.Gipangunahan sa duha ka lider ang panginahanglan sa mas lig-on nga kooperasyon tali sa ilang mga nasud, ilabi na sa panahon karon nga nag-atubang sa dagkong isyu sa rehiyon sama sa tensyon sa West Philippine Sea, ekonomikanhong kalamboan, ug cybersecurity.Ang panagtagbo ilang giila nga dili lamang simbolo sa panaghigalaay apan usa ka konkretong lakang sa pagpangandam sa mas lawom nga kooperasyon sa umaabot.
Sa laing bahin Gipahibalo ni U.S. President Donald Trump sa iyang Truth Social account nga nakab-ot na ang kasabutan tali sa Pilipinas ug Amerika alang sa bag-ong trade deal.Ubos niining deal, gipaubos ang taripa sa mga produkto sa Pilipinas nga i-eksport ngadto sa Amerika gikan sa 20% ngadto sa 19%.Ang Pilipinas usab mahimong Open Market para sa mga produkto sa Amerika, nga buot ipasabot nga dili na kini buwisan sa pag-angkat gikan didto.Lakip usab sa kasabutan ang mas lig-on ug mas gipakusog nga kooperasyon militar tali sa duha ka nasud.