Pamilya sa gikulata nga estudyante mopasaka og kaso

Mopasaka og pormal nga kaso ang pamilya sa 14-anyos nga estudyante nga gikulata sa gawas sa Guinoyoran Immaculate High School tungod sa grabeng epekto sa biktima.

Gipadayag sa inahan nga OFW nga wala’y settlement nga nahitabo sa panag-atubang sa eskwelahan, ug dili kini modawat og pasaylo, ilabi na kay wala misuway og duol ang pamilya sa suspetsado nga senior high school student nga giilang si alyas Jovanie.

Kahinumduman nga ang biktima nga si alyas Jonax, usa ka Grade 8 student, giingong gikulata sa estudyante nga school officer nga nagdumala sa peace and order committee sa ilang tunghaan.

Nagpabiling barug ang pamilya sa pagsang-at og kaso aron makab-ot ang hustisya sa ilang anak.